2018 г. — 400 гадоў з часу адкрыцця ў г. Брэсце езуіцкага калегіума (1618), навучальнай установы
Каталіцкі манаскі ордэн езуітаў («Таварыства Ісуса»), быў заснаваны ў 1534 годзе іспанскім дваранінам І. Лаёлам для барацьбы з Рэфармацыяй і ўзмацненнякаталіцтва. У Берасце (Брэст) ордэн прыйшоў амаль праз стагоддзе. Спачатку езуіты пасяліліся пры парафіяльным касцёле, а потым у каменным доме каля рынку, на месцы якога пасля ўзвялі ўласны каменны касцёл. У гэты час яны набылі бліжэйшыя гарадскія ўчасткі і атрымалі багатыя ахвяраванні, у прыватнасці, падараваны ваяводам Астафіем Валовічам фальварак Адамкова, а канцлерам Львом Сапегам — фальварак Лярэўная. 30 тысяч злотых даў на касцёл Казімір Сапега, і ў 1656 годзе будаўніцтва пачалося з цаглянага завода побач з ракой Мухавец.
11 сакавіка 2016 г. – 450 гадоў з часу існавання Берасцейскага ваяводства, адміністрацыйна-тэрытарыяльнай адзінкі ў Вялікім Княстве Літоўскім (1566–1795)
Берасцейскае ваяводства – адміністрацыйна-тэрытарыяльная адзінка ў Вялікім Княстве Літоўскім і Рэчы Паспалітай. Было створана 11 сакавіка 1566 года рашэннем Віленскага сойма ў ліку 13-ці ваяводстваў ВКЛ. Для новай адзінкі са складу Падляшскага ваяводства, якое было створана ў 1513 годзе, былі вылучаны Берасцейскі, Камянецкі і Кобрынскі паветы.
Выдзяленне Берасцейскага ваяводства ў ходзе адміністрацыйнай рэформы 1565–1566 гадоў звязваюць з падрыхтоўкай да Люблінскай уніі 1569 года, па якой Падляшскае ваяводства было ўключана ў склад Польскай Кароны. Стварэнне Берасцейскага ваяводства было накіравана на захаванне гэтых земляў у складзе ВКЛ.
15 ліпеня 2015 г. – 605 гадоў з часу Грунвальдскай бітвы 1410 г., вырашальнай бітвы Вялікай вайны 1409–1411 гг. паміж ВКЛ і Польшчай з аднаго боку і Тэўтонскім ордэнам з другога, удзел у якой прымала Брэсцкая харугва
Да пачатку ХV ст. у тагачаснай Еўропе ваенную перавагу меў Тэўтонскі ордэн. Мэтай агрэсіўнай ваенна-палітычнай канцэпцыі ордэна было стварэнне Вялікай Тэўтоніі з уключэннем у яе склад Польшчы, Беларусі, Літвы, Пскоўшчыны і ўладанняў Вялікага Ноўгарада. Паходы і набегі крыжакоў на польскія, літоўскія і беларускія землі адбываліся па некалькі разоў у год і пагражалі самастойнасці дзяржаў.
2013 г. – 430 гадоў з часу заснавання ў г. Брэсце адной з першых аптэк (1583)
У сярэднія вякі Магдэбургскае права давала гарадам прывілей на продаж “зёлак”.
4 верасня 2013 г. – 450 гадоў з часу выдання ў Брэсцкай друкарнi “Бiблii” (“Брэсцкая Бiблiя”, “Радзiвiлаўская Бiблiя”; 1563), помнiка кнiгадрукавання на Беларусi
Выдадзена ў 1563 годзе ў Брэсце на сродкi Мiкалая Радзiвiла Чорнага (1515–1565), старасты берасцейскага, аднаго з кiраўнiкоў кальвiнiстаў у Вялiкiм княстве Лiтоўскiм. На той час была адным з лепшых выданняў у ВКЛ i Польшчы.
2013 – 460 гадоў з часу заснавання брэсцкiм старастай Мiкалаем Радзiвiлам Чорным першай на тэрыторыi Беларусi друкарнi (Брэст; 1553).
Паяўленне друкарскага станка ў Брэсце непасрэдна звязана з Рэфармацыяй i яе буйнейшым прадстаўнiком – Мiкалаем Радзiвiлам Чорным (1515–1565).